نئے پولیس سٹیشنز 30 دن تک مکمل کرنے کی ڈیڈ لائن دیدی گئی

05-31-2025

(ویب ڈیسک) وزیر داخلہ محسن رضا نقوی کے دور میں بننے والے پولیس سٹیشنز، نئے تعمیر شدہ پولیس سٹیشن کو ہینڈ اوور کرنے کیلئے 30 دن کی ڈیڈ لائن جاری کر دی گئی۔

پولیس حکام کے مطابق بلڈنگ ڈیپارٹمنٹ کی جانب سے لاہور کے 15 پولیس سٹیشنز تعمیر کے بعد پولیس کے حوالے کئے جائینگے، لاہور پولیس نے بلڈنگ ڈیپارٹمنٹ کو تھانوں کی تعمیر 30 جون تک مکمل کرنے کی ڈیڈ لائن دیدی۔ نئے تعمیر ہونے والے تھانوں کی بلڈنگز کا کام نوے فیصد سے زائد مکمل ہو چکا ہے۔ پولیس حکام  نے بتایا کہ تھانوں کی بلڈنگ کیلئے فرنیچر بھی خریدا جا چکا ہے، تھانوں کی بلڈنگ 30 جون کو بلڈنگ ڈیپارٹمنٹ سے حاصل کرکے تھانوں کو منتقل کی جائیگی۔ نئے بننے والے تھانوں میں سمن آباد ، ملت پارک ، نواں کوٹ اور شیرا کوٹ سمیت دیگر تھانے شامل ہیں۔