عیدالاضحیٰ کی آمد، مویشی منڈیاں سج گئیں، شہری خوبصورت جانور کی تلاش میں مصروف

05-30-2025

(لاہور نیوز) جیسے جیسے عیدالاضحیٰ کے دن قریب آرہے ہیں، مویشی منڈیوں میں رونق بڑھ رہی ہے، شہری خوبصورت اور سستے جانور کی تلاش میں مصروف نظر آرہے ہیں۔

عیدالاضحیٰ کی آمد کے دن قریب آتے ہی سگیاں میں بھی مویشی منڈی سج گئی، جہاں اس وقت بکرے ، چھترے اور دنبے 60 ہزار سے 2 لاکھ تک فروخت ہو رہے ہیں، عید کے دن قریب آتے ہی قربانی کے جانوروں کی قیمتں بھی بڑھ گئی ہیں، منڈی میں بیل اور بچھڑے 2 سے 4 لاکھ میں دستیاب ہیں۔ دوسری جانب خریدار خوبصورت اور سستا جانور ڈھونڈنے کے لئے منڈیوں کا رخ کر چکے ہیں اور اچھے جانور کی تلاش میں مصروف ہیں، کالے ، سفید اور براؤن رنگت کے بیل منڈی کی توجہ کا مرکز بنے ہوئے ہیں۔