لاہور: گاڑی کی ٹکر سے زخمی کانسٹیبل دم توڑ گیا، نماز جنازہ ادا

05-28-2025

(لاہور نیوز) صوبائی دارالحکومت کے شہر لاہور میں چند روز قبل گاڑی کی ٹکر سے زخمی ہونے والا کانسٹیبل زندگی و موت کی کشمکش میں مبتلا رہنے کے بعد دم تور گیا۔

انویسٹی گیشن ونگ میں تعینات کانسٹیبل عکاشہ بٹ میو ہسپتال میں زیر علاج تھا، مرحوم کانسٹیبل کی نماز جنازہ انکے آبائی علاقے شاہدرہ ٹاؤن میں ادا کر دی گئی ہے۔ ڈی آئی جی انویسٹی گیشن سید ذیشان رضا نے نماز جنازہ میں شرکت کی، ایس ایس پی انویسٹی گیشن محمد نوید، ایس پی سٹی انویسٹی گیشن فرحت عباس سمیت دیگر پولیس افسروں  نے بھی نماز جنازہ میں شرکت کی۔ ڈی آئی جی انویسٹی گیشن  نے کہا کہ مرحوم کے اہل خانہ کی ویلفیئر محکمہ پولیس کی ذمہ داری ہے، ترجمان انویسٹی گیشن ونگ کا کہنا تھا کہ کانسٹیبل عکاشہ بٹ کا ایک ماہ قبل نکاح ہوا تھا اور بڑی عید کے بعد اسکی شادی تھی۔