سکولوں میں چھٹیاں: یوم تکبیر پر وزیر تعلیم پنجاب کی وضاحت آ گئی
05-27-2025
(ویب ڈیسک) سکولوں میں گرمیوں کی چھٹیوں کا اعلان ہو گیا، یوم تکبیر پر وزیر تعلیم کی وضاحت بھی سامنے آ گئی ہے۔
وزیر تعلیم پنجاب رانا سکندر حیات نے کہا ہے کہ پنجاب بھر کے سکولز میں گرمیوں کی چھٹیاں شروع ہو گئی ہیں تاہم یوم تکبیر کے حوالے سے تقریبات کیلئے سکول 2 گھنٹے کیلئے کھلیں گے، متعلقہ سکول صبح ساڑھے 7 سے ساڑھے 9 بجے تک لگیں گے۔ واضح رہے اس سے پہلے مراسلہ جاری کیا گیا تھا کہ 28 مئی کی چھٹی کینسل کر دی گئی ہے، سرکاری سکولوں میں چھٹی نہیں ہو گی اور تقریبات ہوں گی جس پر طلباء میں بے چینی پائی جا رہی تھی۔