پنجاب یونیورسٹی میں انڈرگریجویٹ پروگرامز میں داخلوں کے پہلے مرحلے کا آغاز

05-26-2025

(ویب ڈیسک) پنجاب یونیورسٹی میں انڈرگریجویٹ پروگرامز میں داخلوں کے پہلے مرحلے کا آغاز ہو گیا۔

 ترجمان پنجاب یونیورسٹی کے مطابق داخلوں کیلئے امیدوار آج رات 11:59 تک رجسٹریشن کرا سکیں گے، پنجاب یونیورسٹی میں داخلے کیلئے ایڈمشن ٹیسٹ لازمی ہے، داخلوں کے لئے ٹیسٹ 15 جون 2025 کو متوقع ہے، انٹری ٹیسٹ کا انعقاد پاکستان کے تمام بڑے شہروں میں کیا جائے گا۔ داخلوں کیلئے 25 فیصد نمبر انٹری ٹیسٹ کیلئے مختص ہیں، امیدوار اہلیت کے معیار اور دیگر تفصیلات کیلئے ویب سائٹ پر رجوع کریں، تمام انڈرگریجویٹ پروگرامز کیلئے 7 مختلف انٹری ٹیسٹ لئے جائیں گے۔