سیاسی بابے ریٹائر ہوں، تبدیلی کیلئے نوجوانوں کو موقع دیں، خرم نواز گنڈا پور

05-25-2025

(لاہور نیوز) پاکستان عوامی تحریک کے 36 ویں یوم تاسیس پر ماڈل ٹاؤن سیکرٹریٹ لاہور میں سیمینار منعقد ہوا جس میں عوامی تحریک رہنما خرم نواز گنڈا پور نے 70 سال کے تمام بزرگ سیاست دانوں کو رضا کارانہ طور پر ریٹائر ہونے کا مشورہ دے دیا۔

پاکستان عوامی تحریک کے 36 ویں یوم تاسیس کے موقع پر اراکین  نے خطاب کیا، سیکرٹری جنرل عوامی تحریک  خرم نواز گنڈا پور  نے خطاب کرتے ہوئے کہا کہ 70سال کے تمام سیاسی بابے رضا کارانہ ریٹائرمنٹ کا اعلان کریں، تبدیلی کیلئے نوجوانوں کو آگے آنے دیا جائے۔ انہوں نے مزید کہا کہ بااختیار بلدیاتی اداروں کے بغیر جمہوریت نامکمل ہے، بھرپور دفاع عوام اور افواج پاکستان کے اتحاد و یکجہتی کا ثمر ہے، اس موقع پر عوامی تحریک کے کارکن رفیق نجم صدیقی  نے کہا کہ سوشل میڈیا پر نوجوانوں کے اخلاق و کردار کو برباد کیا جا رہا ہے، نور اللہ کا کہنا تھا کہ ڈاکٹر طاہر القادری نوجوانوں کی اخلاقی تربیت پر توجہ دے رہے ہیں۔ تقریب میں موجود کارکنان راجہ زاہد محمود، عارف چودھری اور سردار عارف علی سمیت دیگر  نے اپنے خطاب میں نوجوانوں کو مستقبل میں ملک کے روشن مستقبل کا ستارہ قرار دیا۔