پنجاب کے 44ایڈیشنل سیشن ججز کو ڈسٹرکٹ اینڈ سیشن جج کےعہدے پرترقی دینے کا فیصلہ

05-24-2025

(لاہور نیوز) پنجاب کے 44ایڈیشنل سیشن ججز کو ڈسٹرکٹ اینڈ سیشن جج کے عہدے پر ترقی دینے کا فیصلہ کیا گیا ہے۔

 چیف جسٹس مس عالیہ نیلم نے 44 ایڈیشنل سیشن ججز کی کارکردگی رپورٹ طلب کر لی۔ رجسٹرار لاہور ہائیکورٹ نے صوبہ بھر کے ڈسٹرکٹ اینڈ سیشن کو 3 دن میں رپورٹس جمع کروانے کی ہدایت کردی۔ چیف جسٹس کی جانب سے جاری کردہ مراسلے میں کہا گیا ہے کہ 44 ایڈیشنل سیشن ججز کو ڈسٹرکٹ اینڈ سیشن جج کے عہدے پر پروموٹ کرنا ہے، ایڈیشنل سیشن ججز کی کارکردگی، کام اور صداقت کے بارے میں رپورٹ جمع کروائی جائے۔  ایڈیشنل سیشن جج احسن بخاری، خضر حیات، رفاقت علی گوندل، عدنان طارق، وسیم مبارک کی کارکردگی رپورٹ طلب کی گئی ہے۔ ایڈیشنل سیشن جج محمد جمیل، فرزانہ شہزاد، عامر شہزاد، ارشد محمود، رضوان الحق سمیت 44 ایڈیشنل سیشن ججز کی کارکردگی رپورٹس بھی مانگی گئی ہیں۔ مراسلے میں مزید کہا گیا ہے کہ متعلقہ ایڈیشنل سیشن ججز کے حالیہ عدالتی فیصلوں کی کاپیاں بھی بھجوائی جائیں۔