موٹروے پولیس کی کارروائی، 2 اغوا کار گرفتار

05-22-2025

(لاہور نیوز) لاہور موٹروے پولیس نے کارروائی کے دوران 2 اغوا کاروں کو گرفتار کرتے ہوئے مغوی کو بازیاب کروا لیا۔

ترجمان کے مطابق موٹروے پولیس کو شیخوپورہ کے نزدیک کار حادثے کی اطلاع ملی، گاڑی کی تلاشی لینے پر ڈگی سے ایک مغوی ملا، جس پر پٹرولنگ افسران  نے فوری طور پر ملزمان کو گرفتار کر لیا۔ ترجمان  موٹروے پولیس کا کہنا ہے کہ ملزمان سے کلاشنکوف، جدید رائفل، 4 موبائل فونز، زیورات اور گولیاں بھی برآمد ہوئی ہیں جس کے بعد ملزمان کو اسلحہ، گاڑی اور مسروقہ سامان سمیت پولیس کے حوالے کر دیا گیا۔