لاہور کے سرکاری سکولز نان سیلری بجٹ سے محروم

05-19-2025

(لاہور نیوز) ڈسٹرکٹ ایجوکیشن اتھارٹیز کی غفلت سے سرکاری سکولز مالی مشکلات سے دوچار ہیں۔

چار ماہ گزرنے کے باوجود سکولوں کو نان سیلری بجٹ جاری نہ ہو سکا، 38 ہزار سرکاری سکولز 4 ماہ سے نان سیلری بجٹ سے محروم ہیں۔ ڈیڑھ ماہ پہلے محکمہ خزانہ کی جانب سے سکولوں کو این ایس بی جاری کیا گیا تھا، لاہور کے ایک ہزار سے زائد سرکاری سکولوں کو تاحال این ایس بی نہیں مل سکا۔ لاہور کے سکولوں کیلئے بارہ کروڑ نوے لاکھ روپے جاری کئے گئے تھے، سکولوں کو 25 جنوری کو آخری دفعہ فنڈز جاری ہوئے تھے، مالی سال ختم ہونے کو ہے لیکن ابھی تک سکولوں کو دوسری اور چوتھی سہ ماہی کی قسط جاری نہیں ہو سکی۔