الیکٹرک بسوں میں کارڈ سے کرائے کی ادائیگی کا منصوبہ کھٹائی میں پڑ گیا
05-15-2025
(ویب ڈیسک) الیکٹرک بسوں میں کارڈ سے کرائے کی ادائیگی کا منصوبہ کھٹائی میں پڑ گیا۔
تفصیلات کے مطابق مسافروں کی سہولت کیلئے کرائے کارڈ سے ادا کرنے کی سہولت متعارف کروائی گئی تھی، منصوبے کے افتتاح کے موقع پر وزیراعلیٰ نے 300 کارڈز تقسیم کئے، آٹومیٹڈفیئر کولیکشن سسٹم نہ ہونے سے وزیراعلیٰ کی جانب سے کارڈز کا اجرا بھی بےسود کیا گیا تھا، بس میں موجود ڈیجیٹل سکرین سے سوائپ کرکے کرایہ ادا کرنے کی سہولت مہیا کی جانی تھی۔ ذرائع کے مطابق سسٹم فعال نہ ہونے سے مسافر کیش میں ادائیگی پر مجبور ہیں، سسٹم فعال نہ ہونے سے پنجاب ٹرانسپورٹ کمپنی نے کارڈز کا اجرا بھی روک دیا، 3 ماہ گزر جانے کے باوجود کارڈز کا اجرا نہ ہو سکا۔ منصوبے کا سافٹ ویئر اور کارڈ سے ادائیگی کا سسٹم پی آئی ٹی بی کے ذمہ تھا۔