پی سی بی کا معطل شدہ ڈومیسٹک کرکٹ بحال کرنے کا فیصلہ

05-12-2025

(ویب ڈیسک) پاکستان کرکٹ بورڈ (پی سی بی) نے معطل شدہ ڈومیسٹک کرکٹ بحال کرنے کا فیصلہ کر لیا۔

پی سی بی کی جانب سے جاری بیان میں کہا گیا ہے کہ معطل شدہ ڈومیسٹک ایونٹس بحال کرنے کا فیصلہ کیا ہے، پریذیڈنٹ ٹرافی گریڈ ٹو کے میچز بدھ سے کھیلے جائیں گے۔ پی سی بی اعلامیے میں کہا گیا ہے کہ ریجنل انٹر ڈسٹرکٹ چیلنج کپ اور انٹر ڈسٹرکٹ انڈر 19 ون ڈے ٹورنامنٹ آج سے شروع ہوں گے، ٹورنامنٹ کا کوارٹر فائنل 19 سے 21 مئی کے درمیان کھیلا جائے گا۔ پی سی بی کے مطابق پریذیڈنٹ ٹرافی گریڈ ٹو کے سیمی فائنل 24 مئی سے 26 مئی اور فائنل 28 سے 31 مئی کے درمیان کھیلا جائےگا۔