بھارتی حملے کے بعد پاکستانی عوام مسلح افواج کے شانہ بشانہ کھڑے ہیں: دفاعی ماہرین

05-07-2025

(لاہور نیوز) دفاعی ماہرین نے کہا ہے کہ جب بھی دشمن نے پاکستان کو میلی آنکھ سے دیکھا، پاکستانی عوام مسلح افواج کے شانہ بشانہ کھڑے رہے۔

اپنے مشترکہ بیان میں ان کا کہنا تھا کہ بھارت کے معصوم پاکستانی عورتوں اور بچوں پر بزدلانہ حملے کے جواب میں عوام  نے کہا ہے کہ 1965 میں بھی ہم  نے خون کی قربانی دی تھی، اب بھی تیار ہیں۔ دوسری جانب بزرگ شہری کا کہنا تھا کہ بھارت نے رات کی تاریکی میں حملہ کیا، پاکستانی مسلح افواج کی بروقت جوابی کارروائی سے بھارت کو منہ کی کھانا پڑی، مسلح افواج نے دشمن کو دندان شکن جواب دیا، پاک فضائیہ نے بھارتی طیاروں کو زمین پر ڈھیر کر دیا۔ شہریوں کا مزید کہنا تھا کہ بھارت نے رات کو چوروں کی طرح حملہ کیا، شہری دشمن  نے ہمیں ایک قوم بننے کا موقع دیا ہے، ہم سب اپنی افواج کے ساتھ کھڑے ہیں، پاکستان کے غیور عوام اپنی افواج کے شانہ بشانہ ملک کے دفاع کیلئے تیار ہیں۔