دنانیرمبین کی فلمی دنیا میں انٹری، فٹبالر کا کردار نبھائیں گی

05-06-2025

(ویب ڈیسک) سوشل میڈیا پر “پاوری گرل” کے نام سے شہرت پانے والی اداکارہ دنانیرمبین اب فلمی دنیا میں انٹری دینے جا رہی ہیں۔

اداکارہ دنانیرمبین کی پہلی فلم “بہناز” ایک سپورٹس بیسڈ پراجیکٹ ہے جو خواتین کے فٹ بال پر مبنی ایک متاثر کن کہانی پرمشتمل ہے۔ فلم میں اداکارہ ایک نوجوان لڑکی کا کردار ادا کریں گی جو تمام معاشرتی رکاوٹوں اور چیلنجز کے باوجود فٹ بال کے میدان میں اپنے خواب کو حقیقت کا رنگ دیتی ہے۔ ان کے ہمراہ سینئراداکارہ عائشہ عمربھی فلم میں موجود ہوں گی، جو ایک پرعزم فٹ بال کوچ کے کردار میں نظرآئیں گی اوران کے کردار کی رہنمائی کریں گی۔ دنانیر کے فلمی ڈیبیو پرسوشل میڈیا پرملا جلا ردعمل سامنے آیا ہے، جہاں ان کے مداح پرجوش ہیں، وہیں کئی صارفین نے فلم انڈسٹری میں نئے اوراصل چہروں کو موقع دینے کو سراہا ہے۔