پاک بھارت کشیدگی بارے سیاسی رہنماؤں کو بریفنگ، پی ٹی آئی غیر حاضر

05-04-2025

(لاہور نیوز) پاک بھارت کشیدگی کے معاملے پر وفاقی وزیر اطلاعات عطااللہ تارڑ اور ڈی جی آئی ایس پی آر لیفٹیننٹ جنرل احمد شریف چودھری نے سیاسی جماعتوں کے رہنماؤں کو بریفنگ دی۔

وفاقی وزیر اطلاعات و نشریات عطااللہ تارڑ اور ڈی جی آئی ایس پی آر لیفٹیننٹ جنرل احمد شریف نے سیاسی جماعتوں کے سرکردہ رہنماؤں کو موجودہ قومی سلامتی کی صورتحال پر اہم بیک گراؤنڈ بریفنگ کا اہتمام کیا ہے، سیاسی رہنماؤں کو بیک گراونڈ بریفنگ پی ٹی وی ہیڈ کوارٹرز میں ان کیمرا دی جارہی ہے۔ بیک گراؤنڈ بریفنگ میں حکومتی اتحاد کے رہنماؤں کی بڑی تعداد شریک ہے جبکہ پاکستان تحریک انصاف نے حکومت کی بیک گراؤنڈ بریفنگ کا بائیکاٹ کیا ہے۔ دوسری جانب پی ٹی آئی سیاسی کمیٹی  نے بیان جاری کیا ہے کہ موجودہ صورت حال میں آل پارٹیز کانفرنس بلانی چاہیے تھی، اس لیے ہم اس بریفنگ میں شامل ہونا ضروری نہیں سمجھتے۔