پاک بھارت کشیدگی : لاہور کی مخصوص فضائی حدود جزوی طور پر بند

05-02-2025

(ویب ڈیسک) پاکستان اور بھارت کے درمیان بڑھتی ہوئی کشیدگی کے باعث کراچی اور لاہور کی مخصوص فضائی حدود کو ایک ماہ کیلئے جزوی طور پر بند کر دیا گیا ہے۔

ذرائع کے مطابق پہلگام فالز فلیگ آپریشن کے بعد دونوں ممالک کے درمیان حالات کشیدہ ہو گئے ہیں، جس کے پیش نظر پاکستان سول ایوی ایشن اتھارٹی  نے نوٹس ٹو ایئرمین جاری کر دیا ہے۔ جاری کردہ نوٹم کے مطابق کراچی اور لاہور فلائٹ انفارمیشن ریجن کی مخصوص فضائی حدود یکم مئی سے 31 مئی تک ہر روز صبح 4 بجے سے صبح 8 بجے تک بند رہے گی۔ حکام کے مطابق فضائی حدود کی بندش سکیورٹی وجوہات کی بنیاد پر کی گئی ہے  تاہم کمرشل پروازیں متبادل روٹس کے ذریعے جاری رہیں گی اور فلائٹ آپریشن پر اس بندش کے زیادہ اثرات مرتب نہیں ہوں گے۔ پاکستان ایئرپورٹ اتھارٹی  نے واضح کیا ہے کہ یہ اقدام صرف احتیاطی تدابیر کے طور پر اٹھایا گیا ہے تاکہ قومی فضائی حدود کو ہر ممکن سکیورٹی فراہم کی جا سکے۔