سرکاری ریٹ لسٹ میں 4 پھل اور 2 سبزیاں مزید مہنگی

05-02-2025

(لاہور نیوز) مہنگائی کے ستائے عوام کو کہیں ریلیف نہ مل سکا۔

سرکاری ریٹ لسٹ میں 4 پھل اور 2 سبزیاں مزید مہنگی کر دی گئیں، مارکیٹ میں پیاز 60 ، لہسن 400 ، ادرک 500 ، ٹینڈے 300 اور میتھی 140 روپے فی کلو فروخت ہو رہے ہیں۔ پھلوں میں کیلا درجہ اول 260 ، کیلا درجہ دوم 200 روپے فی درجن ، سیب 500 ، امرود 220 ، لوکاٹ 250 ، گرما 120 روپے کلو میں فروخت ہو رہا ہے۔ ادھر برائلر گوشت کے دام کا تعین نہ کیا جا سکا ، مارکیٹ میں  برائلر گوشت 560 روپے کلو تک بیچا جا رہا ہے ، صافی گوشت 640 روپے فی کلو فروخت ہو رہا ہے۔  فارمی انڈوں کی قیمت میں بھی اضافے کا سلسلہ جاری ہے، ایک روپیہ اضافے سے انڈوں کی فی درجن قیمت  246 روپے ہو گئی، ہول سیل مارکیٹ میں انڈوں کی پیٹی 7 ہزار 260 روپے کی بیچی جا رہی ہے۔