لاہور: مختلف واقعات کے دوران 3 افراد جان سے ہاتھ دھو بیٹھے

04-27-2025

(لاہور نیوز) صوبائی دارالحکومت کے شہر لاہور میں مختلف واقعات کے دوران 3 افراد جاں بحق ہو گئے، تینوں متوفین کی تاحال شناخت نہیں ہو سکی ہے۔

ایدھی ترجمان کے مطابق باٹا پور، جلو موڑ قبرستان سے ایک شخص کی تشدد زدہ لاش ملی، متوفی کی عمر 30 سال کے قریب ہے تاہم اسکی شناخت نہ ہو سکی، پولیس کے مطابق لاش چند روز پرانی معلوم ہوتی ہے جسے مردہ خانے منتقل کر دیا گیا ہے۔ اسی طرح راوی روڈ، چوکی سبزی منڈی پھاٹک نمبر 3 کے قریب ایک 30 سالہ شہری نے خودکشی کر لی تاہم اسکی بھی شناخت نہیں ہو سکی ہے، فیکٹری ایریا کے علاقہ والٹن روڈ کے قریب فٹ پاتھ سے 50 سالہ شخص کی لاش ملی، متوفی کی شناخت اصغر کے نام سے ہوئی جو گجومتہ کا رہائشی بتایا جاتا ہے۔ پولیس کے مطابق متوفی بظاہر نشے کا عادی معلوم ہوتا ہے، تینوں لاشوں کو مزید کارروائی کیلئے مردہ خانہ بھجوا دیا گیا ہے۔