بہن بھائیوں سے اچھے تعلقات کے زندگی پر کیا اثرات مرتب ہوسکتے ہیں؟جانئے

04-21-2025

(ویب ڈیسک)ماہرین کے مطابق بہن بھائیوں سے اچھے تعلقات صرف جذباتی سکون ہی نہیں دیتے، بلکہ یہ زندگی کو لمبا کرنے میں بھی مددگار ثابت ہو سکتے ہیں۔

ماہرین کا جاری کردہ تحقیق میں کہنا تھا کہ بھائی بہنوں سے بات چیت اور جذبات بانٹنے سے ذہنی دباو کم ہوتاہے۔ ذہنی دباؤ میں کمی کا مطلب دل کی صحت بہتر اور بلڈ پریشر کو کنٹرول رکھنا بھی ہے، اسی طرح قوتِ مدافعت بھی مضبوط ہوتا ہے جبکہ بہن بھائی اکثر وہ لوگ ہوتے ہیں جن سے ہم بے جھجھک بات کرتے ہیں۔ جذبات کو دبانے کی بجائے جب انسان اظہار کرتا ہے تو ذہنی دباؤ کم ہوتا ہے، جو دل اور دماغ کی صحت کے لیے فائدہ مند ہے۔ ماہرین کا مزید کہنا تھا کہ بڑے ہونے پر بہن بھائی زندگی کا مستقل سہارا بنتے ہیں۔ بیماری، پریشانی یا بڑھاپے میں یہ رشتہ انسان کو جذباتی طاقت دیتا ہے جو کہ زندگی کو طویل کر سکتا ہے۔