غیر قانونی افغانوں کو ملازمت اور کرائے پر رہائش دینے پر پابندی عائد

04-18-2025

(لاہور نیوز) وفاقی حکومت کی جانب سے غیر قانونی افغانوں کو کرائے پر رہائش، ملازمت دینے پر پابندی عائد کر دی گئی۔

وزیر مملکت برائے داخلہ طلال چوہدری نے اپنے بیان میں کہا ہے کہ افغانستان میں دس لاکھ امریکی ہتھیار القاعدہ، ٹی ٹی پی اور دیگر دہشت گردوں کے ہاتھ لگنے کی خبریں پاکستانی مؤقف کی تائید ہے، انہوں نے کہا کہ غیر قانونی مقیم افغان شہریوں کو آج سے کرائے پر گھر اور ملازمت دینے پر پابندی ہو گی۔ طلال چوہدری نے مزید کہا کہ سعودی عرب، خلیجی ملکوں، یورپ اور امریکا سے شکایتیں آئیں کہ پاکستان کی آئی ڈی اور جعلی پاسپورٹ استعمال کیے گئے ہیں تاہم اسحاق ڈار کی سربراہی میں جلد وفد افغانستان جائے گا۔