لاہور ہائیکورٹ کی انتظامی کمیٹی کی تشکیل نو کر دی گئی

04-16-2025

(محمد اشفاق) جسٹس علی باقر نجفی کے سپریم کورٹ کا جج بننے کے بعد لاہور ہائیکورٹ کی انتظامی کمیٹی کی تشکیل نو کر دی گئی۔

لاہور ہائیکورٹ کے ججز کی انتظامی کمیٹی 7 ممبران پر مشتمل ہوتی ہے، چیف جسٹس لاہور ہائیکورٹ عالیہ نیلم انتظامی کمیٹی کی سربراہ برقرار ہیں۔ سینئر ترین جج جسٹس شجاعت علی خان، جسٹس عابد عزیز شیخ، جسٹس صداقت علی خان، جسٹس شمس محمود مرزا اور جسٹس شہباز رضوی کمیٹی کے ممبر مقرر ہیں، اب جسٹس فیصل زمان خان بھی انتظامی کمیٹی کا حصہ بن گئے ہیں۔ لاہور ہائیکورٹ میں ججز کی تعداد 44 رہ گئی جبکہ مجموعی طور پر ججوں کی خالی آسامیوں کی تعداد 16 ہو گئی ہے۔