لاہور بورڈ نے انٹرمیڈیٹ پارٹ 2 کے امتحانات کی رول نمبر سلپس جاری کر دیں

04-16-2025

(ویب ڈیسک) لاہور بورڈ نے انٹرمیڈیٹ پارٹ 2 کے سالانہ امتحانات 2025 کیلئے امیدواروں کو رول نمبر سلپس جاری کر دیں۔

رواں سال امتحانات میں ایک لاکھ 83 ہزار امیدوار شرکت کریں گے جبکہ امتحانات کا آغاز 29 اپریل 2025 سے ہو گا، جدید اقدامات کے تحت نقل کی روک تھام اور امتحانی شفافیت کو یقینی بنانے کیلئے بورڈ  نے رول نمبر سلپس پر QR کوڈز شامل کئے ہیں، ان کی مدد سے امتحانی مراکز پر امیدوار کی فوری تصدیق ممکن ہو گی جس سے جعلی امیدواروں کے داخلے کو روکنے میں مدد ملے گی۔ ریگولر امیدوار اپنے متعلقہ تعلیمی ادارے سے رول نمبر سلپس حاصل کریں گے اور پرائیویٹ امیدوار اپنی رول نمبر سلپس لاہور بورڈ کی آفیشل ویب سائٹ سے ڈاؤن لوڈ کر سکتے ہیں۔ طلبہ کو ہدایت کی گئی ہے کہ وہ وقت پر امتحانی مراکز پہنچیں اور کسی بھی ناخوشگوار صورتحال سے بچنے کے لئے اپنی رول نمبر سلپس ہمراہ رکھیں۔