مرغی کے گوشت کی قیمت کا تعین نہ کیا جا سکا

04-16-2025

(لاہور نیوز) برائلر گوشت کے دام عدم استحکام کا شکار ہیں، مرغی کے گوشت کی قیمت کا تعین نہ کیا جا سکا۔

مہنگائی  نے عوام کا جینا محال کر دیا، شہری روزمرہ اشیا مہنگے داموں خریدنے پر مجبور ہیں۔ مارکیٹ میں برائلر گوشت 620 روپے فی کلو تک فروخت ہونے لگا، فارمی انڈے 2 روپے مہنگے، فی درجن قیمت 226 روپے ہو گئی، ہول سیل مارکیٹ میں فارمی انڈوں کی پیٹی 6 ہزار 660 روپے میں دستیاب ہے۔ ادھر سرکاری ریٹ لسٹ میں 4 سبزیوں کی قیمت مزید بڑھا دی گئی، مارکیٹ میں پیاز 60 ، ٹماٹر 70 ، لہسن 450 ، ادرک 420 روپے کلو بیچا جا رہا ہے، دیسی ٹینڈے 320 ، آلو 80 ، میتھی 100 اور بینگن 60 روپے کلو بیچے جا رہے ہیں۔ پھلوں میں کیلا درجہ اول 300 ، درجہ دوم 220 روپے درجن، سیب 450 ، امرود 200 روپے کلو فروخت ہو رہے ہیں۔