جناح ہاؤس حملہ، جلاؤ گھیراؤ کیس:اعظم خان سواتی کی عبوری ضمانت میں توسیع

04-15-2025

(لاہور نیوز) انسداد دہشت گردی عدالت لاہور نے 9 مئی کو جناح ہاؤس پر حملہ کرنے اور جلاؤ گھیراؤ کے مقدمات میں پی ٹی آئی رہنما اعظم خان سواتی کی عبوری ضمانت میں 13 مئی تک توسیع کر دی۔

انسداد دہشت گردی عدالت کے ایڈمن جج منظر علی گل نے کیس کی سماعت کی۔ پولیس کی جانب سے مقدمات کا ریکارڈ عدالت میں پیش نہ کیا گیا۔ پولیس حکام کہنا تھا کہ مقدمات کا ریکارڈ سپریم کورٹ میں موجود ہے، سپریم کورٹ میں ملزمان کی ضمانتیں لگی ہوئی ہیں۔ واضح رہے کہ انسداد دہشت گردی عدالت نے آج عبوری ضمانتوں میں وکلاء سے دلائل طلب کر رکھے تھے۔