لاہور: چوروں اور نقب زنوں کا راج برقرار، ہزاروں مقدمات درج

04-12-2025

(لاہور نیوز) شہر لاہور میں چوروں اور نقب زنوں کا راج برقرار، شہری نقدی اور قیمتی سامان سے محروم ہونے لگے.

رواں سال کے پہلے تین ماہ کے دوران چوری کے 15469 جبکہ نقب زنی کے 910 مقدمات درج ہوئے، پولیس ریکارڈ  کے مطابق چوری کی وارداتوں میں کینٹ ڈویژن 3722 مقدمات کے ساتھ سر فہرست رہا، ماڈل ٹاؤن ڈویژن چوری کی 3570 وارداتوں کے ساتھ دوسرے نمبر پر رہا، صدر ڈویژن چوری کے 3267 مقدمات کے ساتھ تیسرے نمبر پر رہا۔ سٹی ڈویژن میں 2022، اقبال ٹاؤن ڈویژن میں چوری کے 1722 مقدمات درج کئے گئے، سول لائنز ڈویژن میں تین ماہ کے دوران چوری کی 1166 وارداتیں رپورٹ ہوئیں، دوسری جانب پولیس ریکارڈ سے معلوم ہوا ہے کہ نقب زنی کی وارداتوں میں کینٹ ڈویژن 252 مقدمات کے ساتھ سر فہرست رہا جبکہ ماڈل ٹاؤن ڈویژن نقب زنی کی 242 وارداتوں کے ساتھ دوسرے نمبر پر رہا۔ اسی طرح صدر ڈویژن نقب زنی کے 156 مقدمات کے ساتھ تیسرے نمبر پر رہا جبکہ سٹی ڈویژن میں 94، اقبال ٹاؤن ڈویژن میں نقب زنی کے 90 مقدمات کا اندراج کیا گیا اور سول لائنز ڈویژن میں تین ماہ کے دوران نقب زنی کی 76 وارداتیں رپورٹ ہوئیں۔