افغان باشندوں کو شناختی کارڈ جاری کرنے کے معاملہ پر نادرا اہلکار گرفتار

04-11-2025

(ویب ڈیسک) وفاقی تحقیقاتی ادارہ (ایف آئی اے) نے افغان باشندوں اور غیر ملکیوں کو پاکستانی شناختی کارڈ جاری کرنے کے معاملہ میں نیشنل ڈیٹا بیس اینڈ رجسٹریشن اتھارٹی (نادرا) کے اہلکار کو گرفتار کر لیا۔

ذرائع  نے بتایا کہ ایف آئی اے کاؤنٹر ٹیررازم ونگ اسلام آباد نے نادرا اہلکار کو گرفتار کر لیا، نادرا اہلکار کو چھاپہ مار کر نادرا ہیڈکوارٹرز اسلام آباد کے قریب سے گرفتار کر لیا گیا اور انہیں 17 افغان باشندوں  کو جعلی پاکستانی شناختی کارڈ جاری کرنے میں ملوث پایا گیا۔ نادرا اہلکار کی گرفتاری سے متعلق بتایا گیا کہ ایف آئی اے کاؤنٹر ٹیررازم ونگ  کی ٹیم  نے گرفتار اہلکار کو تھانہ کاؤنٹر ٹیررازم اسلام آباد منتقل کر دیا اور ملزم سے مزید تفتیش جاری ہے۔