لاہور: 236 ٹریفک حادثات میں 296 افراد زخمی

04-04-2025

(لاہور نیوز) شہر لاہور میں گزشتہ 24 گھنٹوں کے دوران مختلف علاقوں میں 236 ٹریفک حادثات میں اڑھائی سو سے زائد افراد زخمی ہو گئے۔

ریسکیو حکام  کے مطابق ٹریفک حادثات کی زد میں آ کر مجموعی طور پر 296 افراد زخمی ہوئے جن میں سے 116 شدید زخمیوں کو طبی امداد کیلئے مقامی ہسپتالوں میں منتقل کیا گیا۔ ریسکیو حکام کا کہنا ہے کہ 180 معمولی زخمیوں کو موقع پر فرسٹ ایڈ فراہم کی گئی، ٹریفک حادثات تیز رفتاری اور ٹریفک قوانین کی خلاف ورزی کے باعث پیش آئے۔