لاہور: 12 گھنٹوں کے دوران خاتون سمیت 3 افراد کی خودکشی

04-04-2025

(لاہور نیوز) صوبائی دارالحکومت میں 12 گھنٹوں کے دوران خودکشی کا تیسرا واقعہ رونما ہو گیا۔

ایدھی ترجمان کے مطابق ہربنس پورہ کے علاقہ شالیمار میں شہری نے اپنی جان لے لی، 28 سالہ بشیر احمد نے گلے میں پھندا ڈال کر خودکشی کر کے اپنی زندگی کا خاتمہ کر ڈالا جبکہ شمالی چھاؤنی میں 19 سالہ فہیم ضیاء نے گلے میں پھندا ڈال کر اپنی زندگی ختم کر لی۔ اسی طرح غازی آباد میں 30 سالہ ناصرہ بی بی نے گلے میں پھندا ڈال کر زندگی کا خاتمہ کیا، پولیس کی جانب سے تینوں لاشوں کو  مزید قانونی کارروائی کیلئے مردہ خانے منتقل کر دیا گیا ہے۔