بجلی کی قیمتوں میں کمی: پنجاب حکومت وزیرِ اعظم کے تاریخی فیصلے کا خیر مقدم کرتی ہے، مریم نواز

04-03-2025

(لاہور نیوز) وزیرِ اعلیٰ مریم نواز نے صدر مسلم لیگ ن محمد نواز شریف، وزیرِ اعظم شہباز شریف اور انکی ٹیم کو بجلی کی قیمتوں میں تاریخی کمی پر خراجِ تحسین پیش کیا۔

وزیر اعلیٰ ٰپنجاب مریم نواز  نے کہا ہے کہ پنجاب حکومت وزیرِاعظم محمد شہباز شریف کے اس تاریخی فیصلے کا خیرمقدم کرتی ہے، تاریخ گواہ ہے کہ جب بھی محمد نواز شریف اقتدار میں آئے ملک کو بحرانوں سے نکالا اور عوام کو حقیقی ریلیف دیا۔ انہوں نے کہا کہ بجلی کے نرخوں میں کمی عید کے موقع پر قوم کے لیے ایک قیمتی تحفہ ہے، گھریلو صارفین کئلیے7.41 روپے فی یونٹ اور صنعتوں کے لیے 7.59 روپے فی یونٹ کمی مہنگائی سے ستائے عوام کے لیے بہت بڑی سہولت ہے۔ وزیر اعلی پنجاب نے کہا کہ وزیر اعظم شہباز شریف نے بجلی کے نرخوں میں نمایاں کمی سے عوام دوستی، دور اندیشی اور معاشی بصیرت کا ثبوت دیا ہے، بجلی کے نرخوں میں کمی ملکی معیشت اور صنعتوں کے فروغ کے لیے بھی ایک سنگ میل ثابت ہو گی۔ مریم نواز شریف کا کہنا تھا کہ بجلی کی قیمتوں میں کمی کا فیصلہ محض پالیسی نہیں بلکہ محمد نواز شریف اور انکی کی عوام دوست سے کمٹمنٹ کا اظہار ہے، مسلم لیگ ن دن رات عوام کو ریلیف دینے اور ملک کو ترقی کی راہ پر گامزن کرنے کے لیے سرگرم عمل ہے۔