یو اے ای کے وزیر مملکت کا نائب وزیر اعظم سے ٹیلی فونک رابطہ
03-21-2025
(لاہور نیوز) ترجمان دفتر خارجہ کے مطابق یو اے ای کے وزیر مملکت احمد بن علی کا نائب وزیر اعظم و وزیر خارجہ سینیٹر محمد اسحاق ڈار سے ٹیلی فونک رابطہ ہوا۔
ترجمان دفتر خارجہ کے مطابق دونوں رہنماؤں نے علاقائی اور بین الاقوامی امن و استحکام سے متعلق امور پر تبادلہ خیال کیا، دونوں رہنماؤں نے دو طرفہ اور کثیرالجہتی فورمز پر تعاون کو مضبوط بنانے کے عزم کا اعادہ بھی کیا۔