پی ٹی آئی اب قصہ ماضی بن چکی دوبارہ اقتدار میں نہیں آسکتی: رانا تنویر حسین

03-16-2025

(لاہور نیوز) وفاقی وزیر رانا تنویر حسین نے کہا ہے کہ پی ٹی آئی اب قصہ ماضی بن چکی دوبارہ اقتدارمیں نہیں آ سکتی۔

 اپنے آبائی حلقے نارنگ منڈی میں منعقدہ افطار پارٹی سے خطاب کرتے ہوئے رانا تنویر کا کہنا تھا کہ پاکستان میں جتنی بھی ڈویلپمنٹ ہوئی ہے وہ مسلم لیگ ن کے دور حکومت میں ہوئی ہے، انہوں نے کہا کہ جس کام سے عام آدمی کی زندگی میں خوشحالی آئے تبدیلی اسے کہتے ہیں، بانی پی ٹی آئی  نے 190 ملین پاؤنڈ کا ہیر پھیر کر کے اپنے پاس رکھ لیے، وزیر اعظم پاکستان  نے اس 190 ملین پاونڈ کی لاگت سے دانش یونیورسٹی بنانے کا اعلان کیا ہے، انشاءللہ یہ یونیورسٹی دنیا کی بہترین یونیورسٹیوں میں شمار ہو گی۔ وفاقی وزیر کا کہنا تھا کہ بانی پی ٹی آئی  نے توشہ خانہ میں سے گلدان تک نہیں چھوڑے، مسقبل میں یہ کوئی نہ سوچے کہ اب دوبارہ پی ٹی آئی کی بھاری آئے گی، رانا تنویر حسین کا مزید کہنا تھا کہ پی ٹی آئی اب قصہ ماضی بن چکی اس کے دوبارہ اقتدار میں آنے کا سوال ہی پیدا نہیں ہوتا۔