کامران اکمل، عمر اکمل کے والد کے فارم ہاؤس پر چوری کی بڑی واردات

03-16-2025

(ویب ڈیسک) صوبائی دارالحکومت کے تھانہ ہیئر کے علاقے میں نامور کرکٹ سٹار بیٹسمین کامران اکمل اور عمر اکمل کے والد کے فارم ہاؤس پر چوری کی بڑی واردات ، چور دن دیہاڑے 5 لاکھ مالیت کا سولر اتار کر فرار ہو گئے۔

رپورٹ کے مطابق چور مرکزی دروازے کا کنڈا توڑ کر فارم ہاوس میں داخل ہوئے، چور دن دیہاڑے 5 لاکھ مالیت کا سولر اتار کر فرار ہو گئے۔ والد کامران اکمل نے بتایا کہ سولر سسٹم کل لگوایا آج چور لے گئے جب کہ پولیس حکام کا کہنا ہے کہ واقعہ کا مقدمہ درج کرکے تفتیش جاری ہے۔ واقعہ کی اطلاع ملنے کے بعد ہئیر پولیس فوری جائے وقوعہ پر پہنچی۔ حکام کا کہنا تھا کہ ملزمان کو سی سی ٹی وی کیمروں اور دیگر ذرائع کی مدد سے ٹریس کیا جا رہا ہے۔  ایس پی کینٹ اویس شفیق نے کہا کہ فارم ہاؤس کے کوچ کاشف محمود کی مدعیت میں نا معلوم چور کے خلاف فوری مقدمہ درج کرلیا گیا۔ انہوں نے ایس ڈی پی او برکی غلام دستگیر خان کو فوری ملزمان ٹریس کر کے گرفتار کرنے کی ہدایت کرتے ہوئے کہا کہ ملزمان کو جلد گرفتار کر لیا جائے گا۔