پیف سکولوں کے اساتذہ تاخیر سے تنخواہ ملنے پر بے چینی کا شکار

03-15-2025

(لاہور نیوز) پیف سکولوں کے ہزاروں اساتذہ تاخیر سے تنخواہ ملنے پر بے چینی کا شکار ہیں۔

پنجاب ایجوکیشن فاؤنڈیشن کے پارٹنر سکولوں میں تاخیر سے تنخواہیں ملنے کی شکایات سامنے آئی ہیں، محکمہ سکول ایجوکیشن نے پیف حکام کو بروقت تنخواہوں کی ادائیگی کا حکم دیا ہے۔ محکمہ سکول ایجوکیشن  نے حکم دیتے ہوئے کہا پنجاب ایجوکیشن فاؤنڈیشن اساتذہ کو مناسب اور بروقت تنخواہ کی ادائیگی کریں، پیف سکولز کے اساتذہ کو تنخواہ کی بروقت ادائیگی کے لئے تکنیکی پلیٹ فارم متعارف کرا دیا، تمام پیف سکولز اساتذہ کو اپریل کی تنخواہ آن لائن ادا کریں گے، احکامات پر عملدرآمد نہ کرنے والے سکولوں کا لائسنس منسوخ کر دیا جائے گا۔ تنخواہوں کی ادائیگی بذریعہ اکاؤنٹ بھجوانے کی ہدایت بھی کر دی گئی۔