پنجاب کی ماتحت عدلیہ کے 6 ججز کے تبادلوں کے احکامات جاری

03-14-2025

(لاہور نیوز) پنجاب کی ماتحت عدلیہ کے 6 ججز کے تبادلوں کے احکامات جاری کر دیئے گئے۔

تبدیل ہونے والوں میں 3 ایڈیشنل سیشن ججز اور تین سول ججز شامل ہیں، چیف جسٹس مس عالیہ نیلم کی منظوری کے بعد نوٹیفکیشن جاری کر دیا گیا۔ ایڈیشنل سیشن جج جہازیب اختر کا لاہور سے جنڈ، ایڈیشنل سیشن جج محمد عامر کا لاہور سے دیپالپور جبکہ ایڈیشنل سیشن جج محمد خان کا لاہور سے سیالکوٹ تبادلہ کر دیا گیا۔ سول جج شازیہ منور کو ماڈل ٹاؤن کچہری تعینات کر دیا گیا، سول جج فواد احمد کو فتح جنگ سے اٹک اور شیخ محمد تقی کو سیالکوٹ سے پسرور تعینات کرنے کا نوٹیفکیشن جاری کر دیا گیا۔