گڑھی شاہو: جعلی چالان میسج دکھانے پر ٹرک ڈرائیور گرفتار، حوالات بند

03-14-2025

(لاہور نیوز) ٹریفک پولیس کو بیوقوف بنانے کی کوشش ناکام، چالان کے جعلی ایس ایم یس دکھانے والا ڈرائیور گرفتار کر لیا گیا۔

جعلی چالان میسج دکھایا مگر جعلسازی پکڑی گئی،گڑھی شاہو کے علاقے میں ٹریفک قوانین کی خلاف ورزی پر ٹریفک وارڈن نے ٹرک کو روکا، ٹرک ڈرائیور نے پہلے سے جمع کروایا ہوا چالان میسج دکھا دیا۔ چالان میسج پرائیویٹ نمبر سے بھیجا گیا تھا جوکہ جعلی نکلا،ٹرک ڈرائیور نے پرائیویٹ نمبر کو چالان کوڈ نمبر سے موبائل میں سیو کیا تھا،ٹریفک وارڈن نے ویری فکشن کرنے پر ٹرک ڈرائیور کی جعل سازی پکڑ لی،ٹریفک وارڈن نے ٹرک ڈرائیور کی جعل سازی سامنے آنے پراسے تھانے بند کروا دیا۔