خاتون سمیت 3 افراد پر مشتمل نوسرباز گینگ گرفتار

03-12-2025

(ویب ڈیسک)انٹرنیشنل شہریت ظاہر کرکے نوسربازی میں ملوث گروپ کو گرفتار کرلیا گیا۔

ترجمان  پولیس کے مطابق فیصل ٹاؤن پولیس نے کارروائی کرتے ہوئے خاتون سمیت 3 افراد پر مشتمل نوسرباز گروپ گرفتار ملزمان کو جدید ٹیکنالوجی سے ٹریس کرکے حراست میں لیا، ملزمان نے 3 دن قبل امجد نامی شخص کو ورغلا کر 13 ہزار سعودی ریال ہتھیائے تھے۔ ان کا کہنا تھا کہ ملزمان انٹرنیشنل شہریت کا بہانہ کرتے اور شہریوں سے نامعلوم ایڈریس کا پوچھتے تھے ، ملزمان موقع پاکر شہریوں سے نوسربازی کرکے رفوچکر ہوجاتے تھے، ملزمان سے لوٹے گئے سعودی ریال اور 11 لاکھ پاکستانی روپے برآمد ہوئے، ملزمان کے زیر استعمال گاڑی بھی پولیس تحویل میں لے لی گئی۔  ترجمان  نے بتایا کہ ملزمان میں خاتون شرف بی بی، شہباز اور سمیر شامل ہیں جن کے خلاف مقدمہ درج کیا گیا ہے۔ ایس پی ماڈل ٹاؤن اخلاق اللہ نے کہا کہ جرائم پیشہ عناصر کیخلاف بلاامتیاز کارروائیاں جاری ہیں۔