قومی ٹیم کے بیٹنگ کنسلٹنٹ محمد یوسف دورہ نیوزی لینڈ سے دستبردار

03-11-2025

(لاہور نیوز) سابق کرکٹر محمد یوسف بیٹی کی علالت کے باعث دورہ نیوزی لینڈ سے دستبردار ہو گئے۔

ذرائع کے مطابق محمد یوسف نے بیٹی کی خاطر نیوزی لینڈ نہ جانے کا فیصلہ کیا، یوسف نے اپنے فیصلے سے پاکستان کرکٹ بورڈ کو آگاہ کر دیا، محمد یوسف کے متبادل کے طور پر کسی کی تقرری نہیں کی جائے گی۔ پاکستان کرکٹ بورڈ کی جانب سے محمد یوسف کو پاکستان ٹیم کا بیٹنگ کنسلٹنٹ مقرر کیا گیا تھا، واضح رہے کہ پاکستان کرکٹ ٹیم 12 مارچ کی صبح نیوزی لینڈ روانہ ہو گی، قومی کرکٹ ٹیم نیوزی لینڈ میں پانچ ٹی 20 انٹرنیشنل اور تین ون ڈے انٹرنیشنل کھیلے گی۔