پتنگ فروشوں کے خلاف کارروائیاں، 90 پتنگیں، 3 چرخیاں برآمد

03-08-2025

(لاہور نیوز) پتنگ فروشوں کے خلاف کارروائیاں کرتے ہوئے 90 پتنگیں اور 3 چرخیاں برآمد کر لی گئیں۔

پتنگ فروشی کے خلاف کارروائیوں کا سلسلہ جاری ہے، ایس پی اقبال ٹاؤن بلال احمد کی زیر نگرانی کریک ڈاؤن کے دوران پتنگ سازی و پتنگ فروشی کے مرتکب ملزم حسن افضل کو گرفتار کر لیا گیا۔ ملزم خود بھی پتنگ بازی کرتا، آن لائن فروخت بھی کرتا تھا۔ پولیس ترجمان کے مطابق ملزم کے قبضہ سے 90 پتنگیں ،3 چرخیاں ، ایک پنہ ڈور برآمد کر کے ملزم کیخلاف کائیٹ فلائنگ ایکٹ کا مقدمہ درج کر لیا گیا۔ ایس پی اقبال ٹاؤن کے مطابق پتنگوں کی تیاری، خرید و فروخت میں ملوث عناصر کسی رعایت کے مستحق نہیں۔