آسٹریلوی کرکٹر سٹیو سمتھ کا ون ڈے کرکٹ سے ریٹائرمنٹ کا اعلان

03-05-2025

(لاہور نیوز) آسٹریلیا کے مایہ ناز کرکٹر سٹیو سمتھ نے ون ڈے کرکٹ سے ریٹائرمنٹ کا اعلان کر دیا۔

کرکٹ آسٹریلیا کے مطابق سٹیو سمتھ  نے بھارت کیخلاف چیمپئنز ٹرافی کے پہلے سیمی فائنل کے بعد ساتھی کھلاڑیوں کو فوری ریٹائرمنٹ کا بتایا۔ کرکٹ آسٹریلیا کا کہنا ہے کہ سٹیو سمتھ ٹیسٹ اور ٹی 20 کرکٹ کے لئے دستیاب ہوں گے۔ اس حوالے سے سٹیو سمتھ نے کہا ہے کہ یہ سفر میرے لئے بڑا شاندار رہا ہے، میں نے ہر لمحے سے پیار کیا ہے، حیران کن لمحات اور شاندار یادیں رہی ہیں، دو ورلڈ کپ جیتنا کیریئر کی سب سے بڑی کامیابی ہے۔ سٹیو سمتھ کا کہنا ہے کہ اب لوگوں کے پاس موقع ہے کہ وہ ورلڈ کپ 2027 کی تیاری کریں، ٹیسٹ کرکٹ میرے لئے ترجیح رہے گی۔ انہوں نے کہا کہ میں ورلڈ ٹیسٹ چیمپئن شپ کے فائنل کا منتظر ہوں، دورہ ویسٹ انڈیز اور پھر انگلینڈ ہوم سیریز کا منتظر ہوں، میں سمجھتا ہوں کہ میں اس وقت کرکٹ میں بہت حصہ ڈال سکتا ہوں۔