ماڈل بازاروں میں اشیاء کے معیار پر کوئی سمجھوتہ نہیں، سلمیٰ بٹ

03-05-2025

(لاہور نیوز) معاون خصوصی برائے پرائس کنٹرول پنجاب سلمیٰ بٹ کا کہنا ہے ماڈل بازاروں میں اشیاء کے معیار پر کوئی سمجھوتہ نہیں۔

اپنے ایک بیان میں سلمیٰ بٹ نے کہا گزشتہ 24 گھنٹوں میں ماڈل بازاروں اور سہولت سٹالز سے 4 لاکھ 4 ہزار سے زائد افراد نے خریداری کی، لاہور ڈویژن میں 1 لاکھ 55 ہزار سے زائد افراد  نے سہولت سٹالز سے مختلف اشیاء کی خریداری کی، گوجرانوالہ ڈویژن میں 70 ہزار ، گجرات اور راولپنڈی 53 ہزار، سرگودھا میں 49 ہزار سے زائد افراد نے اشیائے خورونوش خریدیں۔ معاون خصوصی برائے پرائس کنٹرول پنجاب نے بتایا ملتان، ساہیوال، بہاولپور،ڈی جی خان اور فیصل آباد میں 76 ہزار سے زائد افراد  نے سہولت سٹالز سے خریداری کی، تمام اضلاع میں عوام  نے 1 لاکھ 68 ہزار کلوگرام سے زائد فروٹس اور سبزیوں کی خریداری کی، 18 ہزار 436 کلو چکن، 9 ہزار 985 کلو گرام کھجور،17 ہزار 803 کلو سے زائد بیسن کی خریداری کی۔ سلمی بٹ کا کہنا تھا وزیراعلیٰ کی ہدایت پر پنجاب کے تمام اضلاع میں خود انتظامات کی چیکنگ کیلئے دورے کر رہی ہوں،غیر معیاری اشیاء فروخت کرنیوالے سٹالز کے کنٹریکٹ منسوخ کر دیئے جائیں گے، ماڈل و ریلیف بازاروں میں اشیاء کے معیار پر کوئی سمجھوتہ نہیں، عوامی ریلیف اولین ترجیح ہے۔