سرکاری محکموں کو این او سی کا اجراء آسان بنانے کا حکم

03-05-2025

(ویب ڈیسک) چیف سیکرٹری پنجاب زاہد اختر زمان کا کہنا ہے این او سی کے اجراء کیلئے صرف ضروری کاغذات طلب کریں۔

چیف سیکرٹری پنجاب کی زیر صدارت سول سیکرٹریٹ میں اجلاس منعقد ہوا، اجلاس میں صوبہ میں ای گورننس اور پرائس کنٹرول اقدامات کا جائزہ لیا گیا۔ چیف سیکرٹری نے کہا کہ این ا و سی کے اجراء کیلئے غیر متعلقہ کاغذات کی طلبی کا کوئی جواز نہیں، تمام محکمے یقینی بنائیں این او سی کے آن لائن اجراء کیلئے صرف ضروری کاغذات طلب کئے جائیں۔ چیف سیکرٹری نے صوبہ میں ناجائز منافع خوروں کیخلاف کریک ڈاؤن جاری رکھنے کی بھی ہدایت کرتے ہوئے کہا کہ گرانفروشوں کیخلاف کارروائیوں سے متعلق رپورٹ روزانہ کی بنیاد پر بھجوائی جائے، قیمتوں میں استحکام کیلئے اضلاع میں ڈپٹی کمشنرز اشیاء کے نرخوں، طلب اور رسد کا تقابلی جائزہ لیں۔