قلات: سیکورٹی فورسز کی گاڑی پر حملہ، ایک اہلکار شہید، چار زخمی

03-03-2025

(لاہور نیوز) بلوچستان کے ضلع قلات کی مین شاہراہ پر سیکورٹی فورسز کی گاڑی پر حملہ، حملے میں ایک اہلکار شہید چار زخمی ہو گئے۔

ذرائع کے مطابق دھماکے میں ونگ کمانڈر محفوظ رہے جبکہ حملے میں نائیک عطا اللہ شہید، سپاہی وکیل ودیگر زخمی ہوئے، دھماکہ مغل زئی کے علاقے میں ہوا۔ حملے کے بعد سکیورٹی فورسز  نے علاقے کو گھیرے میں  لے لیا جبکہ زخمیوں کو مقامی ہسپتال منتقل کر دیا گیا جہاں انہیں طبی امداد دی جا رہی ہے، دوسری جانب ڈپٹی کمشنر قلات نے واقعہ کی تصدیق کرتے ہوئے کہا ہے کہ دھماکہ خود کش تھا۔