رمضان کی آمد کے ساتھ ہی کھجوروں کی فروخت میں تیزی

03-01-2025

(لاہور نیوز) رمضان کی آمد کے ساتھ ہی کھجوروں کی فروخت میں تیزی آ گئی، شہریوں نے سحر و افطار کیلئے کھجوریں خریدنا شروع کر دیں۔

رمضان المبارک میں کھجور کے بغیر افطار دستر خوان نامکمل سمجھا جاتا ہے، یہی وجہ ہے کہ ماہ مبارک کے قریب آتے ہی شہری کھجور کی خریداری کا تردد کرتے ہیں۔ ایرانی، سعودی اور پاکستانی کھجوروں سمیت دیگر مختلف اقسام کی کھجوروں سے دکانیں سج چکیں ہیں، شہریوں  نے بھی دکانوں اور مارکیٹوں کا رخ کر لیا۔ بازار میں تیزی دیکھ کر دکان دار بھی مرضی کے دام وصول کرنے لگے، ان کا کہنا ہے کام میں تیزی ضرور ہے لیکن منڈی سے ریٹ تیز ملنے کی وجہ سے مہنگائی ہے۔ لاہور کے بازاروں میں شریفہ کھجور ایک ہزار سے 12 سو روپے کلو، ایرانی کھجور 480 ، مضافاتی کھجور 800 جبکہ عجوہ کھجور 32 سو سے 5 ہزار روپے کلو مل رہی ہے۔