وفاقی کابینہ میں توسیع: نئے وزرا کی تقریب حلف برداری کل ہو گی

02-26-2025

(لاہور نیوز) وفاقی کابینہ میں توسیع کا معاملہ، نئے وزرا کی تقریب حلف برداری کل شام 5 بجے ہو گی۔

حلف برداری کی تقریب ایوان صدر میں ہو گی، انتظامات مکمل ہو گئے، تقریب میں شرکت کیلئے دعوت نامے بھی جاری کر دیئے گئے ہیں ڈاکٹر طارق فضل چودھری، حنیف عباسی، خالد مگسی، مصطفیٰ کمال وفاقی وزیر کا حلف اٹھائیں گے، ڈاکٹر طارق فضل چودھری کو وزیر صحت لگائے جانے کا امکان ہے۔ ذرائع کے مطابق حنیف عباسی کو ریلوے کا قلمدان تفویض کیا جائے گا، خالد مگسی کو مواصلات اور مصطفیٰ کمال کو سائنس و ٹیکنالوجی کی وزارت ملے گی۔