پاکستان کا نظام عالمی سطح پر مذاق بن چکا ہے: فہمیدہ مرزا

02-26-2025

(لاہور نیوز) جی ڈی اے رہنما فہمیدہ مرزا نے کہا ہے کہ پاکستان کا نظام عالمی سطح پر مذاق بن چکا ہے۔

اپوزیشن کی قومی کانفرنس سے خطاب کرتے ہوئے فہمیدہ مرزا کا کہنا تھا ملک میں غلامی کی نشانیاں ختم کرنا ہوں گی، میڈیا کو آزاد ہونا ہو گا۔ انہوں  نے کہا کہ اس کانفرنس کے لئے راستے روکے گئے، ہم مسائل کا حل نکالنا چاہتے ہیں، میں پاکستان پارٹی کی ہوں، ملکی ادارے کو مضبوط کرنا ہو گا چاہے وہ فوج ہو یا عدلیہ۔ جی ڈی اے رہنما  نے مزید کہا کہ سب کو نظر آ رہا ہے ایوان کون چلا رہا ہے؟ نوجوان مایوس ہو رہے ہیں، بین الاقوامی سطح پر ہم مذاق بن گئے ہیں، خدارا! ملک کے حال پر رحم کریں۔