سپریم کورٹ نے مقدمات کے جلد سماعت کے حوالے سے پالیسی تشکیل دیدی

02-26-2025

(لاہور نیوز) عدالت عظمی نے مقدمات کے جلد سماعت کے حوالے سے پالیسی تشکیل دے دی۔

نئی پالیسی کے مطابق ضمانت اور ضمانت قبل از گرفتاری کے مقدمات کو جلد سنا جائے گا جبکہ تمام انتخابی عذرداریوں کو سماعت کیلئے جلد مقرر کیا جائے گا، مقدمات کی منتقلی، کمپرومائز اور فیملی مقدمات کو بھی سماعت کیلئے جلد مقرر کیا جائے گا، ایسے مقدمات میں جلد سماعت کیلئے درخواست دینے کی بھی ضرورت نہیں ہو گی۔ اسی طرح جلد سماعت کی درخواست وکیل کی جانب سے تیار اور اے او آر دائر کرے گا تاہم جلد سماعت کی درخواست میں معقول وجہ کا ہونا لازمی ہو گا، درخواست کے ہمراہ مقدمہ میں ہنگامیت کا ثبوت لف کرنا بھی لازم ہو گا۔ نئی پالیسی میں یہ بھی واضح کیا گیا ہے کہ جلد سماعت کی درخواست مسترد ہونے پر صرف نئی وجہ کی بنیاد پر ہی جلد سماعت دوبارہ دائر ہو سکے گی۔