پاکستان کو توڑنے والے آج شرمسار ہو چکے ہیں: حنیف عباسی

02-23-2025

(لاہور نیوز) رہنما مسلم لیگ ن حنیف عباسی نے کہا ہے کہ پاکستان کو توڑنے والے آج شرمسار ہو چکے ہیں۔

جڑواں شہروں میں تقریب سے خطاب کرتے ہوئے حنیف عباسی کا کہنا تھا کہ تاجروں کو سہولیات کی فراہمی ہماری ترجیح رہی ہے، ملک ترقی کی جانب گامزن ہے، ہماری ایک سال کی کارکردگی کے مخالفین بھی معترف ہیں۔ انہوں نے کہا کہ پاکستان کو توڑنے والے آج شرمسار ہو چکے ہیں، انتشار اور فساد کی سیاست ملکی مفادمیں نہیں ہے، پاکستان کی حفاظت کیلئے ہمارا خون حاضر ہے، ملکی سلامتی ہماری ریڈ لائن اور گالم گلوچ کا کلچر بند ہونا چاہیے، پی ٹی آئی دور میں ہمارے دوست ممالک ناراض ہوئے، پی ٹی آئی کی حکومت میں ترقی کا ایک منصوبہ بھی نہیں لگا۔