پنجاب فوڈ اتھارٹی کا رمضان میں سحر و افطار پوائنٹس کی چیکنگ کیلئے پلان مرتب

02-22-2025

(لاہور نیوز) ماہ صیام سے قبل پنجاب فوڈ اتھارٹی کا ایکشن پلان تیار ہو گیا۔

 ڈی جی فوڈ اتھارٹی عاصم جاوید کا کہنا ہے کہ رمضان کے آغاز سے اختتام تک سحر و افطار پوائنٹس کی چیکنگ کے لئے مکمل پلان مرتب کر لیا گیا، گلی محلوں میں افطار پوائنٹس کی چیکنگ کے لئے پی ایف اے بائیک سکواڈ بھی تیار رہے گا، فوڈ سیفٹی ٹیمیں سحر و افطار اور رات گئے تک فیلڈ میں موجود رہیں گی، ناقص گھی اور کھلے مصالحہ جات کے استعمال پر سحر و افطار پوائنٹس کو بند کیا جائے گا۔  ڈی جی فوڈ اتھارٹی نے بتایا افطار کے اوقات میں گلی محلوں میں موجود فوڈ پوائنٹس کی چیکنگ ہر صورت یقینی بنائی جائے گی، فروخت کے لئے تیار اشیاء خورونوش کو بغیر ڈھانپے رکھنا ممنوع ہے، سوشل میڈیا پر رمضان خصوصی ٹرانسمیشن "غذا کی بات" چلائی جائے گی، فوڈ سیفٹی ٹیمیں اوقات کار کو بالائے طاق رکھتے ہوئے عوام تک پہنچنے والی خوراک کو مسلسل چیک کریں گی۔