پی ٹی آئی کو آئین و قانون سے ہٹ کر ریلیف نہیں مل سکتا: بیرسٹر عقیل ملک

02-21-2025

(لاہور نیوز) مشیر قانون و انصاف بیرسٹر عقیل ملک نے کہا ہے کہ پاکستان تحریک انصاف کو آئین و قانون سے ہٹ کر کوئی ریلیف نہیں مل سکتا۔

اسلام آباد میں پریس کانفرنس کرتے ہوئے بیرسٹر عقیل ملک کا کہنا تھا کہ پی ٹی آئی بغیر اجازت احتجاج کرنےکا شوق رکھتی ہے اور مظاہرے کے نام پر قانون اپنے ہاتھ میں لیتی ہے، قانون توڑیں گے تو قانون حرکت میں آئے گا۔ انہوں نے کہا کہ پی ٹی آئی کہتی ہے کہ سپریم کورٹ مداخلت کرے، عدالت عظمیٰ کیوں مداخلت کرے عدالتوں کا کام آئین وقانون کےمطابق چلنا ہے۔ مشیر قانون و انصاف کا مزید کہنا تھا کہ پی ٹی آئی عدالتوں سےسہولت کاری چاہتی ہے، پی ٹی آئی کو آئین و قانون سے ہٹ کر کوئی ریلیف نہیں مل سکتا، عدالتیں آئین و قانون کے مطابق چلتی ہیں۔