مارکیٹ میں مرغی کے گوشت کی فی کلو قیمت 595 روپے برقرار

02-19-2025

(لاہور نیوز) مہنگائی کا جن بے قابو ہو گیا، شدید بڑھتی مہنگائی میں شہری روزمرہ اشیا مہنگے داموں خریدنے پر مجبور ہیں۔

مارکیٹ میں مرغی کے گوشت کی فی کلو قیمت 595 روپے برقرار ہے، فارمی انڈے 2 روپے مہنگے، فی درجن قیمت 266 روپے ہو گئی، ہول سیل مارکیٹ میں فارمی انڈوں کی پیٹی 7 ہزار 860 روپے میں دستیاب ہے۔  ادھر شہری پھل اور سبزیاں مہنگے داموں خریدنے پر مجبور ہیں، مارکیٹ میں کریلے 200 ، بینگن 120، آلو 80 ، میتھی 50 روپے فی کلو میں دستیاب ہیں۔ پھلوں میں سیب 400 ، امرود 250 ، خربوزہ 200 روپے فی کلو میں فروخت ہونے لگا، کیلا 280 ، کینو 680 روپے فی درجن میں دستیاب ہیں۔