پنجاب کے 32 پرائیویٹ میڈیکل کالجز میں داخلوں کیلئے تیسری سلیکشن لسٹ جاری

02-19-2025

(لاہور نیوز) پنجاب کے 32 پرائیویٹ میڈیکل کالجز میں داخلوں کیلئے تیسری سلیکشن لسٹ جاری کر دی گئی۔

یونیورسٹی آف ہیلتھ سائنسز  نے سلیکشن لسٹ اپنی ویب سائٹ پر جاری کر دی، تیسری سلیکشن لسٹ ایم بی بی ایس کی 719 خالی سیٹوں کیلئے لگائی گئی ہے۔ سہارا میڈیکل کالج نارووال کا میرٹ سب سے کم 73.53 فیصد رہا، العلیم میڈیکل کالج لاہور کا میرٹ سب سے زیادہ 91.22 فیصد رہا، لاہور میں کم سے کم میرٹ عذرا ناہید میڈیکل کالج کا 75.05 فیصد سامنے آیا ہے۔ ترجمان یو ایچ ایس کا کہنا ہے کہ نئے داخل ہونے والے امیدواروں کیلئے فیس جمع کروانے اور جوائننگ کی آخری تاریخ 21 فروری ہے، اپ گریڈ ہونے والے امیدواروں کیلئے بھی مقررہ تاریخ تک نئے کالجوں میں رپورٹ کرنا لازمی ہے، اپ گریڈ ہونے والے امیدواروں کی فیس انکے کالجز نئے کالجوں کو ٹرانسفر کریں گے۔